Ընթացիկ ծրագրեր

Հայաստանում նեոնատալ ծառայությունների որակի բարելավման ծրագիր

Նեոնատալ բժշկության հայկական ասոցիացիան ԱՄՆ Միջազգային զարգացման գործակալության ֆինանսավորմամբ 2015թ.-ից իրականացնում է Հայաստանում նեոնատալ ծառայությունների որակի բարելավման ծրագիրը: Ծրագրի մի քանի բաղադրիչ իրականացվում է Հայկական ակնաբուժության նախագծի հետ գործակցությամբ: Ծրագիրն իրականացվում է Հայաստանի բոլոր մարզերում եւ Երեւանում՝ ներառելով նեոնատալ խնամքի ծառայություն մատուցող բոլոր հիվանդանոցները: Մինչ օրս ծրագրի հիմնական ձեռքբերումներն են՝

 

  • ոլորտի համապարփակ գնահատում` ընդգրկելով ՀՀ ողջ տարածքում նեոնատալ ծառայություններ տրամադրող 32 բուժհաստատություն
  • ՀՀ 60 բուժհաստատության շուրջ 700 մասնագետի վերապատրաստում եւ պարբերական աշխատանքային այցեր
  • առաջին, երկրորդ եւ երրորդ մակարդակների նեոնատալ ծառայություն մատուցող բուժհաստատությունների մասնագետների համար նեոնատալ կլինիկական 51 ուղեցույցի մշակում
  • Մուրացան բժշկական համալիրի նորածնային ինտենսիվ թերապիայի բաժանմունքի մասնագետների 24/7 մասնագիտական խորհրդատվություն ՀՀ բոլոր մարզերի նեոնատոլոգների համար` նորարարական տեխնոլոգիաների կիրառմամբ
  • Երեւանի նորածնային ինտենսիվ թերապիայի բաժանմունքներում եւ մարզերի նորածնային ծառայություններում ընտանիքամետ նեոնատալ մոդելի հզորացում հոգեբանների, բուժքույրերի եւ բժիշկների անմիջական մասնակցությամբ
  • հոգեբանական ծառայության տրամադրում նորածինների ընտանիքներին (շուրջ 800)
  • պետական չափորոշիչների մշակում ՀՀ ԱՆ-ի եւ ոլորտի առաջատար մասնագետների ջանքերով
  • նորածնային ինտենսիվ թերապիայի բաժանմունքներում եւ մարզերի նորածնային ծառայություններում ընտանիքամետ նեոնատալ մոդելի հզորացում հոգեբանների, բուժքույրերի եւ բժիշկների անմիջական մասնակցությամբ
  • շարունակական խնամքի ուղեցույցների մշակում եւ վերապատրաստումների իրականացում
  • 250 հարցից բաղկացած ամբողջական մասնագիտական թեստերի կազմում՝ գնահատելու մասնագետների՝ նեոնատալ ծառայությունների մատուցման անհրաժեշտ մակարդակը
  • հիվանդանոցներում նեոնատալ ծառայությունների աշխատանքը համակարգող փաստաթղթերի մշակում եւ վերանայում
  • աջակցություն ԱՄՆ Միջազգային զարգացման գործակալության կողմից ՀՀ 36 բժշկական հաստատություններում 200-ից ավելի սարքերի եւ սարքավորումների բաշխման գործընթացին: